Comisión económica

O luns, día 24 de xuño de 2024, ás 18:30 h., celebrouse reunión ordinaria da Comisión Económica do Consello Social da Universidade de Vigo co obxecto de tratar os seguintes puntos da orde do día:

ORDE DO DÍA

1. Aprobación, se procede, da acta da sesión anterior (29.02.2024).
   Apróbase por asentimento.
2. Informe do presidente.
   A Comisión dáse por informada.
3. Asuntos pendentes de anteriores sesión. Informes da Xerencia:
   − Medidas aplicadas para o ingreso de saldos de dubidoso cobro, e resultados.
   − Medidas de contención do gasto a causa da insuficiencia do remanente dispoñible para financiar
   o orzamento de gastos de 2024.
   − Medidas previstas para a elaboración dun rexistro actualizado sobre o patrimonio material.
   A Comisión agradece as explicacións da xerente e dáse por informada.
4. Aprobación, se procede, das contas anuais da Universidade de Vigo do exercicio 2023. Informe de auditoría e Memorando de recomendacións.
   Acórdase elevar informe favorable ao Pleno, consonte o informe da auditoría.
5. Análise e valoración das contas anuais de 2023 e do informe de auditoría da Fundación Universidade de Vigo (FUVI).
   Acórdase elevar informe favorable ao Pleno, consonte o informe da auditoría.
6. Análise e valoración das contas anuais de 2023 e do informe de auditoría de Cidade Universitaria, S. A. (CUSA).
   Acórdase elevar informe favorable ao Pleno, consonte o informe da auditoría.
7. Análise e valoración das contas anuais de 2023 e do informe de auditoría da Cidade Tecnolóxica da Universidade de Vigo (CITEXVI).
   Acórdase elevar informe favorable ao Pleno, consonte o informe da auditoría.
8. Aprobación, se procede, de transferencias de crédito consonte o disposto nas Normas de execución do orzamento. (Consello de Goberno do 20.06.2024).
   Apróbase por asentimento para dar conta ao Pleno.
9. Recepción, análise e valoración das conclusións da auditoría operativa sobre “Intervención dos gastos mais representativos da universidade: capítulo I”.
   A Comisión dáse por informada.
10. Aprobación, se procede, da aceptación da doazón dun equipo de Lonza Biologics Porriño, S. L. ao CINBIO.
    A Comisión dá a súa conformidade.
11. Informe sobre os convenios asinados pola Universidade de Vigo durante o mes de maio de 2024.
    A Comisión dáse por informada.
12. Rogos e preguntas.
    Intervén Yolanda Lesmes.