Comisión económica

O mércores, día 25 de setembro de 2024, ás 16:30 h., celebrouse reunión ordinaria da Comisión Económica do Consello Social da Universidade de Vigo co obxecto de tratar os seguintes puntos da orde do día:

ORDE DO DÍA

1. Aprobación, se procede, da acta da sesión anterior (24.06.2024).
   Apróbase por asentimento.
2. Informe do presidente.
3. Análise da evolución da conta de ingresos e gastos previa ao peche do exercicio 2024:
   − Execución de ingresos a data 30.06.2024: previsións iniciais, definitivas e dereitos recoñecidos.
   − Execución do capítulo I de gastos a data 31.08.2024 e estimación ao peche do exercicio 2024.
   − Execución do orzamento de gastos por capítulo a nivel de concepto diferenciando entre os gastos afectados e non afectados por fondos alleos.
   − Informe sobre as medidas adoptadas para a contención do gasto.
   A Comisión dáse por informada.
4. Informe sobre as causas da baixada no número de licitacións da Universidade de Vigo.
   Acórdase solicitar á Xerencia unha explicación máis precisa e por escrito sobre as causas.
5. Seguimento da evolución económica das sociedades participadas pola Universidade de Vigo: CUSA, FUVI e CITEXVI.
   A Comisión dáse por informada e acorda solicitar á FUVI unha previsión de peche para valorar a situación do exercicio 2024 en termos económicos.
6. Aprobación, se procede, da participación da UVigo na spinoff GAL4TIC.
   Apróbase por asentimento.
7. Aprobación, se procede, da asignación de complementos de recoñecemento:
   − ao labor docente e investigador (B-23 – remesa única rectificada de 24.05.2024).
   − á excelencia curricular docente e investigadora (C -23 – remesa única de 02.07.2024).
   − polos cargos de xestión (1ª remesa de 10.05.2024; 2ª remesa de 06.06.2024; e rectificación vía recurso da 2ª remesa de 03.07.2024).
   Apróbase a asignación.
8. Informe sobre os convenios asinados pola Universidade de Vigo durante os meses de xuño, xullo e agosto de 2024.
   A Comisión dáse por informada.
9. Rogos e preguntas
   Non hai.