O presidente Pedrosa representa ao Consello nas xornadas da CSSU en Murcia

A Conferencia de Consejos Sociales de las Universidades Españolas (CCS) celebra en Murcia, do 12 ao 14 de novembro, a súa asemblea xeral e as súas xornadas anuais, un encontro que reunirá representantes dos consellos sociais de todo o Estado para analizar o papel da universidade no novo contexto internacional marcado pola competencia tecnolóxica, a autonomía estratéxica e a seguridade económica. O programa inclúe a conferencia inaugural “La universidad emprendedora: una nueva misión para impulsar la innovación y la competitividad”, así como mesas redondas sobre a creación e consolidación de empresas de base tecnolóxica (EBT), a seguridade na investigación e a transferencia de coñecemento, ademais dos actos institucionais de apertura e clausura.

O presidente do Consello Social da Universidade de Vigo, Ernesto Pedrosa, asistirá á cita e participará na Asemblea Xeral da CCS, de cuxa comisión executiva forma parte. A súa presenza en Murcia enmárcase na participación habitual do Consello Social da UVigo nos órganos de goberno da Conferencia, que reúne os consellos sociais das universidades públicas españolas.