O obxecto destes premios é recoñecer o labor persoal e profesional das persoas da comunidade Alumni-UVigo que destaquen por unha traxectoria que achegue valor e teña unha clara vontade de inducir cambios na sociedade. Igualmente, con estes premios pretendemos incentivar a relación da Universidade de Vigo co seu antigo estudantado e reforzar o sentimento de pertenza, contribuíndo activamente ao seu desenvolvemento e proxección social.