O venres, día 26 de xuño de 2015, ás 11:05 horas, celebrouse sesión ordinaria do Pleno do Consello Social da Universidade de Vigo co obxecto de tratar os seguintes puntos da Orde do día:
LUGAR: Sala de xuntas da Reitoría – Campus de Vigo
DATA: 26.06.2015
HORA DE COMEZO: 11.05 horas
HORA DE REMATE: 12.40 horas
ORDE DO DÍA
- Aprobación, se procede, da acta da reunión anterior (15.04.2015)
- Informe do Presidente.
- Informe do Reitor. Propostas resoltas favorablemente pola Comisión Executiva (sesión de 21 de maio de 2015). Acordos e Informes.
- Informe previo para a creación da Empresa QUANTUM INNOVATIVE, S.L como EBT da Universidade de Vigo e autorización para participación no seu capital social.
- Acordo sobre a asignación de complementos por excelencia curricular docente e investigadora, consonte resolucións da CGIACA de 19 de marzo de 2015 e 20 de outubro de 2014.
- Proposta de novo Regulamento de organización e funcionamento do Consello Social, para someter a aprobación da Consellería de Cultura, Educación e Ordenación Universitaria.
- Outros acordos (Taxas, memorias finais de cursos propios. Conclusións do primeiro ‘Mapa de empregabilidade’ dos egresados universitarios a través dos datos da Seguridade Social). Propostas informadas favorablemente pola Comisión Económica (sesión de 18 de xuño 2015).
- Liquidación das contas da Universidade de Vigo correspondentes ao exercicio 2014. Informe de auditoría e Memorando de recomendacións.
- Contas anuais e informe de auditoría 2014 de Cidade Tecnolóxica de Vigo (CITEXVI).
- Contas anuais e informe de auditoría 2014 da Fundación Universidade de Vigo (FUVI).
- Contas anuais e informe de auditoría 2014 de Cidade Universitaria S.A (CUSA).
- Prórroga do contrato con ATD para a elaboración do informe de auditoría e Memorando de recomendacións sobre as contas da Universidade de Vigo correspondente ao exercicio 2015.
- Supervisión e autorización de modificacións orzamentarias da Universidade de Vigo.
- Informe sobre os convenios asinados pola Universidade de Vigo nos meses de abril e maio de 2015.
- Acordos da Comisión de Actividades e Servizos (sesión de 21 de abril de 2015). Comunicación de asuntos tratados.
- Acordos da comisión de Actividades e Servizos (reunión de 22 de maio de 2015). Comunicación de asuntos tratados.
- Informe sobre o Decreto que fixa os prezos dos estudos dos títulos oficiais no sistema universitario de Galicia para o Curso 2015/2016.
- Rogos e preguntas.
ACORDOS ADOPTADOS
Apróbase por asentimento a acta da reunión anterior (15.04.2015)
Infórmase favorablemente a creación da Empresa QUANTUM INNOVATIVE, S.L como EBT da Universidade de Vigo e a autorización para participar no seu capital social.
Acórdase a asignación de complementos por excelencia curricular docente e investigadora, consonte resolucións da CGIACA de 19 de marzo de 2015 e 20 de outubro de 2014.
Acórdase elevar a proposta do novo Regulamento de organización e funcionamento do Consello Social para someter á aprobación da Consellería de Cultura, Educación e Ordenación Universitaria.
Dase por informado das taxas e memorias finais de cursos propios, así como das conclusións do primeiro ‘Mapa de empregabilidade’ dos egresados universitarios a través dos datos da Seguridade Social.
Apróbanse as contas da Universidade de Vigo correspondentes ao exercicio 2014.
Apróbanse as contas anuais e informe de auditoría 2014 de Cidade Tecnolóxica de Vigo (CITEXVI).
Apróbanse as contas anuais e informe de auditoría 2014 da Fundación Universidade de Vigo (FUVI).
Apróbanse as contas anuais e informe de auditoría 2014 de Cidade Universitaria S.A (CUSA).
Apróbase a prórroga do contrato con ATD para a elaboración do informe de auditoría e Memorando de recomendacións sobre as contas da Universidade de Vigo correspondente ao exercicio 2015.
Dá a súa conformidade para as modificacións orzamentarias da Universidade de Vigo.
Dase por informado sobre os convenios asinados pola Universidade de Vigo nos meses de abril e maio de 2015.
Dase por informado sobre os acordos da Comisión de Actividades e Servizos (sesión de 21 de abril de 2015).
Dase por informado sobre os acordos da comisión de Actividades e Servizos (reunión de 22 de maio de 2015).
Emite informe favorable sobre o Decreto que fixa os prezos dos estudos dos títulos oficiais no sistema universitario de Galicia para o Curso 2015/2016.