A Presidencia é a responsable de representar, dirixir, facer a planificación xeral da actividade do Consello Social e exercer calquera outra atribución que se lle encomende legal ou regulamentariamente.
Algunhas das funcións da presidencia son:
- Convocar, establecer a orde do día e dirixir as sesións do Consello Social.
- Informar e dar a coñecer as actividades do Consello Social que considere oportunas, sen prexuízo do que dispoñen as normas aplicables á publicación e á notificación oficiais dos acordos do Consello Social. O presidente ou presidenta será o único que poderá facer declaracións públicas en nome do Consello Social da Universidade de Vigo. Pode autorizar algún ou algúns vogais para intervencións concretas ou particulares.
- Velar polo cumprimento, por parte dos vogais do Consello Social, dos deberes que lles corresponden, segundo a lei e o presente regulamento, así como protexer e defender os dereitos que lles corresponden como tales.
- Autorizar os gastos da partida orzamentaria propia do Consello Social, de conformidade co procedemento establecido.
O Presidente actual
Persoas que ocuparon con anterioridade a Presidencia
Alfonso Zulueta presidiu o Consello do 7 de marzo de 1996 e o 24 de xullo de 2003.
Emilio Atrio Abad foi presidente entre o 24 de xullo de 2003 e o 21 de setembro de 2011.
Últimos actos e discursos do presidente
Imaxes do acto de entrega dos Premios Extraordinarios de Fin de Carreira en Santiago de Compostela
Ernesto Pedrosa representou ao Consello Social no evento celebrado na mañá do venres 1 de marzo de 2019 no Salón Grande de San Caetano en Santiago de Compostela
Ernesto Pedrosa intervén na inauguración do 8ª Salón Edugal
O Consello Social colabora na presente edición do evento
Pedrosa presenta a 8ª edición de Edugal, salón que conta co apoio do Consello Social
O Consello Social colabora co Salón de Oferta de Educación e Formación de Galicia, que nesta a súa 8ª edición contará con 54 stands
Ernesto Pedrosa na conferencia “Nuevas tendencias de la educación universitaria según los organismos internacionales”
O presidente do Consello Social da Universidade de Vigo asitiu ao evento que se celebrou en Madrid o pasado 12 de febreiro
Ernesto Pedrosa participa na entrega dos recoñecimentos académicos do día de San Tomé
O Reitor, catro vicerreitores e o Presidente do Consello entregaron os galardóns
Fernando Ramos presenta Libertad de expresión y daños a la Corona, libro que contou co apoio do Consello Social
No acto de presentación, celebrado o xoves 24 de xaneiro na sede da Escola de Enxeñería Industrial (Torrecedeira) e patrocinado polo Consello Social, participou o presidente Ernesto Pedrosa