O pasado día 3 de maio, na cidade de Pontevedra inaugurouse o II Foro do Consello Social. Este ano o ciclo de conferencias estivo adicado ás relacións entre a universidade e a sociedade. No seu discurso inaugural, o presidente do Consello Social da Universidade de Vigo, Ernesto Pedrosa Silva, enfatizou a necesidade que ten esta institución de adaptarse aos novos tempos se quere permanecer vixente e ser útil para a sociedade. O acto de apertura contou coa presenza tamén do decano de Ciencias Sociais, Xosé Baamonde, xunto co conferenciante inaugural, José Álvarez, profesor e asesor do Reitor da Universidade de Sevilla, que recordou no seu discurso a importancia dunha boa reputación da universidade.