A catro días de que acabe o ano e comece a segunda parte do curso escolar en curso, o pleno do Consello Social da Universidade de Vigo, órgano de representación da sociedade na institución académica, convocou o derradeiro pleno do 2016 para pechar os últimos asuntos pendentes, como os temas económicos, e facer un balance anual para mellorar as cousas de cara o ano que ven.
Por segunda vez na súa historia saíu do seu habitual ámbito universitario para celebrarse no Polígono de San Cibrao das Viñas, en Ourense, que o pasado ano celebrou medio século de historia. Neste último pleno do ano, a entidade, entre outras moitas cuestións, aprobou por unanimidade os orzamentos da Universidade de Vigo para o ano 2017, que ascenden a 165.325.488 euros, un 2,95% máis que o exercicio anterior. “Somos unha Universidade saneada, coas contas equilibradas, sen débeda e sen déficit”, destacou Salustiano Mato, reitor da Universidade de Vigo, sobre estes orzamentos. O reitor e o presidente do Consello Social da Universidade de Vigo, Ernesto Pedrosa, coincidiron en salientar a “boa saúde económica” da institución académica e “o esforzo feito pola comunidade universitaria” para acadar este equilibrio.
Ademais, tamén se designarán aos novos representantes do Consello Social no Consello de goberno da Universidade de Vigo e nas súas comisións, e os novos membros na Comisión Executiva e na Comisión Económica do Consello Social.
A orde do día e os acordos foron os seguintes:
ORDE DO DÍA
1. Aprobación, se procede, da acta da reunión anterior (20.10.2016).
2. Informe do presidente
3. Informe do Reitor
Propostas, acordos e informes da Comisión de Actividades e Servizos (reunión de 16.11.2016).
4. Modificación parcial para axudas do Consello Social
5. Axudas e patrocinios
Acordos e informes da Comisión Executiva (reunión de 28.11.2016).
6. Memoria do convenio coa FUVI 2015/2016
7. Cursos. Aprobación de taxas e memorias
Propostas, acordos e informes da Comisión Económica (reunión de 21.12.2016)
8. Informe sobre o teito de gasto da Universidade de Vigo para o exercicio 2017, consonte ao disposto no Real Decreto Lei 14/2012, de 20 de abril
9. Aprobación, se procede, do Orzamento da Universidade de Vigo para o exercicio 2017, consonte proposta do Consello de goberno
10. Informe sobre a previsión de cumprimento pola Universidade de Vigo de elaborar a liquidación do Orzamento do exercicio de 2016 antes do 1 de marzo de 2017
11. Aprobación, se procede, da participación da Universidade de Vigo na constitución da Asociación SICELE (Sistema Internacional de Certificación del Español como Lengua Extranjera) e adhesión, a proposta do Consello de goberno
12. Aprobación, se procede, da aceptación pola Universidade de Vigo da doazón de 8 biorreactores a cargo da empresa Lonza Biologics Porriño, S.L
13. Borrador do informe de auditoría operativa sobre os cursos propios e os convenios de formación que realiza a Universidade de Vigo, consonte o artigo 81.3 da LOU. Análise, valoración previa e posibles achegas ás conclusións finais
14. Informe sobre os convenios asinados pola Universidade de Vigo nos meses de outubro e novembro
15. Aprobación, se procede, das liñas xerais do Orzamento do Consello Social para 2017
16. Aprobación, se procede, da proposta do Plan xeral de actuacións a desenvolver polo Consello Social no exercicio de 2017
17. Designación de representantes do Consello Social no Consello de goberno da Universidade de Vigo e nas súas comisións
18. Designación de novos membros na Comisión Executiva e na Comisión Económica do Consello Social
19. Aprobación, se procede da axuda solicitada polo Servicio de Extensión Universitaria para a organización da I Xornada de orientación universitaria da Universidade de Vigo
20. Rogos e preguntas