Comisión de actividades e servizos

A Comisión de Actividades e Servizos aproba distintos acordos, así como axudas e achegas a diversas iniciativas

2020-02-27T13:51:51+00:0027 de Febreiro de 2020|Comisión de actividades e servizos|

O martes, día 18 de febreiro de 2020, ás 12:15 horas, celebrouse reunión ordinaria da Comisión de Actividades e Servizos do Consello Social da Universidade de Vigo co obxecto de tratar os seguintes puntos da orde do día:

    1. Aprobación, se procede, da acta da sesión anterior (21.11.2019).
      Apróbase por asentimento.
    2. Informe do presidente.
    3. Proposta de renovación do acordo para actualizar os contidos da páxina Web en 2020, mantemento e comunicación informativa de actividades.
      A Comisión dá a súa aprobación.
    4. Avaliación e acordo que proceda, para elevación ao Pleno, da distribución de axudas previstas na convocatoria Aberta de Prácticums que promove o Consello Social. Novo procedemento para a tramitación dos pagos.
      A Comisión informa favorablemente para elevación ao Pleno.
    5. Acordo que proceda sobre a solicitude de colaboración coa Facultade de Ciencias Económicas e Empresariais para a organización dun Foro de emprego.
      Apróbase unha achega.
    6. Acordo que proceda sobre a axuda solicitada para organizar o Foro Tecnolóxico, orientado a propiciar a empregabilidade dos alumnos das escolas técnicas do Campus de Vigo.
      Apróbase unha axuda.
    7. Acordo que proceda sobre a proposta de patrocinio dun Premio á mellor iniciativa de innovación social, convocado para alumnos e cidadáns dentro do evento Hack for Good 2020, no Campus de Vigo.
      Apróbase unha achega.
    8. Aprobación da achega precisa para organizar en Ourense o Encontro técnico de secretarios de Consellos Sociais, promovido polo Consello Social de Vigo e a Conferencia de Consellos Sociais das universidades españolas (CCS).
      Apróbase unha achega.
    9. Acordo que proceda sobre o apoio excepcional, durante 2020, ás actividades e ás diferentes liñas de traballo que posibiliten a posta en funcionamento, operatividade e accións prácticas do Observatorio de Egresados da UVigo.
      Acórdase propoñer ao Pleno unha achega para o exercicio 2020, incidindo na excepcionalidade e temporalidade do acordo.
    10. Rogos e preguntas.
      Non hai.