e_Destrezas é un programa formativo para dar resposta á esixencia por parte do mercado laboral de competencias complementarias que non se adoitan adquirir na formación regrada. Está impulsado pola Vicerreitoría de Captación de Alumnado, Estudantes e Extensión Universitaria xunto co Consello Social. A iniciativa busca mellorar as competencias dixitais do alumnado, do persoal de administración e servizos e do profesorado. Esta nova edición consta de dez cursos de entre 24 e 40 horas de duración, todos eles de balde. Os contidos van dende a edición de vídeo á análise de datos, pasando pola tradución, a programación, o deseño ou o cálculo científico.
Dez cursos, a través de Campus Remoto, ao longo de catro meses
O programa de 2021 desenvolverase a través de Campus Remoto ao longo dos meses de febreiro, marzo, abril e maio, dependendo da duración de cada un deles e dos horarios da docencia. Os cursos dez cursos deste ano son os seguintes:
- Técnicas de produción a través do emprego de ferramentas libres.
- Ferramentas de tradución asistida por ordenador, MemoQ.
- Fundamentos de análise e tratamento de datos con Excel.
- Programación con Scratch e Arduino.
- Fundamentos e cálculo científico con Matlab.
- Fundamentos de deseño Cad con Autocad.
- Python para principiantes
- Fundamentos de ofimática, unha introdución a Microsoft Word e Microsoft PowerPoint.
- Aplicación práctica dos conceptos da xestión de proxectos usando Microsoft Project, e
- Introdución práctica á impresión 3D.
Podes obter máis información descargando este PDF:
Programa e_Destrezas 2021