Project Description
Este libro homenaxe, en palabras dos autores, Álvaro X. López Mira e Enrique J. Varela Álvarez, escribiuse sobre quen “como ninguén, soubo darlle valor á Área de Ciencia política e administración en Galicia, en España, e por onde estivo e foi. Valor dende a periferia do coñecemento politolóxico. Valor das persoas que aman a súa profesión por riba das consideracións teóricas. Valor do traballo ben feito e eticamente responsable coa contorna que vivimos nos diferentes Campus da Universidade de Vigo”. E continúan “é esta unha obra aberta como a do propio Argimiro. Miscelánea de anacos de vida persoal, familiar e profesional que é imposible que abranga na súa totalidade a fondura e riqueza do pensamento do noso compañeiro e camarada, dun “politólogo tranquilo”, consciente da súa responsabilidade individual e colectiva, para coa familia, colegas, institución e conxunto do globalidade cosmopolita”.
Pódese descargar o libro (PDF, 2.1MB) no Servizo de Publicacións da UVigo.