O mércores 23 de decembro o Consello Social celebrou o seu último pleno do ano. Levouse a cabo, como vén sendo común, por medio telemáticos. Nesta reunión, ademais de aprobar definitivamente o orzamento e o teito de gasto da UVigo, presentouse e refrendouse o Plan Estratéxico da Universidade de Vigo para o período 2021-2026. Jacobo Porteiro, secretario do Comité de Dirección encargado da súa elaboración, foi o encargado de explicar o documento ante os membros do pleno.
O Plan, tal e como puideron coñecer as persoas asistentes á sesión, articúlase en cinco eixos estratéxicos:
- A formación
- A relación coa sociedade
- A organización e os recursos
- A investigación e a transferencia
- As persoas
O Plan baséase en tres valores fundamentais: internacionalización, defensa da igualdade e fomento da lingua galega. E se compromete cos obxectivos de desenvolvemento sostible da Axenda 2030. Manuel Reigosa agradeceu aos membros do Consello Social a súa participación neste plan “que para nós é algo importante, que nos vai a marcar o devir” e permitir “facer unha universidade máis moderna e máis involucrada na sociedade”.
O Presidente do Consello, Ernesto Pedrosa destacou do Plan ser “un documento esencial para que vehiculicemos as zonas de paso entre a universidade e a sociedade”.
Dado o valor e interese deste documento poñémolo a disposición para a súa descarga.