Comisión de actividades e servizos

O xoves, día 19 de febreiro de 2026, ás 12:00 horas, celebrouse reunión ordinaria da Comisión de Actividades e Servizos do Consello Social da Universidade de Vigo, co obxecto de tratar os seguintes puntos da orde do día:

ORDE DO DÍA

1. Aprobación, se procede, da acta da sesión anterior (11.09.2025).
   Apróbase por asentimento.
2. Informe do presidente.
   – Axudas 2025. Comparativa co 2024. Axudas á UVigo.
   – Informe GUESSS. A medida do emprendemento na UVigo.
3. Renovación da web do Consello Social. Presentación da proposta de contidos e utilidades. Deseños. Orzamento.
   Asígnase unha dotación.
4. Aprobación, se procede, da asignación de axudas a Prácticums, consonte convocatoria do Consello Social para 2026.
   – Apróbase a distribución das axudas para 2026 .
   – Infórmase favorablemente elevar a dotación da convocatoria para 2027.
5. Aprobación, se procede, dunha axuda do Consello Social para a financiación dos cursos “eDestrezas” que aportan competencias dixitais ao alumnado, PTXAS e PDI.
   Apróbase unha achega.
6. Acordo que proceda sobre a petición de apoio ao proxecto de divulgación científica “CinVigo. Ciencia na rúa”, para fomentar vocacións científicas en Secundaria e Bacharelato.
   Apróbase unha axuda.
7. Acordo que proceda sobre a petición de apoio a un proxecto para detectar e abordar un trastorno de aprendizaxe das matemáticas -Discalculia-, mediante estudos piloto nas aulas de educación primaria de Galicia.
   Apróbase unha achega.
8. Acordo que proceda sobre a solicitude de axuda, presentada pola Facultade de Filoloxía e Tradución, para conmemorar o día do libro no Paraninfo da UVigo.
   Apróbase unha axuda.
9. Acordo que proceda sobre a solicitude de apoio ao Congreso internacional “Escrituras potenciais: o ordinario e o infraordinario”, no edifico Redeiras.
   Apróbase unha achega.
10. Acordo que proceda sobre a axuda solicitada para organizar o ciclo “Cine e Xustiza”, en facultades dos campus de Vigo e Ourense.
    Apróbase unha axuda.
11. Acordo que proceda sobre a petición para desenvolver unha xornada de formación combinada para o alumnado das facultades de Filoloxía e Tradución e de Ciencias Xurídicas e do Traballo.
    Apróbase unha achega.
12. Acordo que proceda sobre a petición de axuda da Escola de Enxeñaría Industrial para organizar unha Competición de robots, co obxectivo de fomentar as actividades STEAM en colexios e institutos de Galicia.
    Apróbase unha achega.
13. Proposta de renovación do servizo técnico para mantemento informático e actualización continuada dos escritos e gráficas da web do Consello Social.
    Asígnase unha cantidade.
14. Aprobación, se procede, da dotación económica que corresponda para a organización da VI edición dos Premios Consello Social_UVigoHumana 2025.
    Faise unha achega
15. Rogos e preguntas.
    Non hai.