Actualidade

O martes, día 22 de febreiro de 2022, ás 11:30 horas, celebrouse reunión ordinaria da Comisión de Actividades e Servizos do Consello Social da Universidade de Vigo co obxecto de tratar os seguintes puntos da orde do día:

ORDE DO DÍA

1. Aprobación, se procede, da acta da sesión anterior (04.10.2021).
   Apróbase por asentimento.
2. Informe do presidente.
3. Acordo que proceda sobre a solicitude de apoio ao proxecto Clean Energy Ship, promovido polo alumnado da Escola de Enxeñaría de Telecomunicacións para a fabricación dunha embarcación solar.
   Apróbase conceder unha axuda.
4. Acordo que proceda sobre a proposta de elaboración dun Barómetro para coñecer a empregabilidade sostible dos estudantes de mestrados da Universidade de Vigo.
   Apróbanse axudas para a elaboración e para a recollida de datos.
5. Acordo que proceda sobre a solicitude do Observatorio de persoas tituladas, para a edición dixital do terceiro e último informe sobre o impacto laboral da COVID nas persoas tituladas pola UVigo, durante 2021, realizado co apoio do Consello Social.
   Apróbase unha achega.
6. Proposta de renovación dos traballos de mantemento e actualización de contidos textuais e gráficos da web corporativa do Consello Social, durante 2022.
   Asígnanse as cantidades correspondentes aos pagos trimestrais durante 2022.
7. Acordo que proceda sobre a petición de colaboración solicitada polo Instituto de Estudos Vigueses para actividades a desenvolver en 2022.
   Apróbase unha achega.
8. Acordo que proceda, e revisión das circunstancias que concorren, sobre a colaboración especial solicitada pola Asociación de estudantes das escolas de enxeñaría de Vigo e Ourense, para organizar o Foro Tecnolóxico de Emprego.
   Concédese unha axuda.
9. Acordo que proceda sobre a solicitude da Delegación de alumnos de Química para organizar un ciclo de conferencias co obxectivo de visibilizar o protagonismo das mulleres no ámbito científico e abrir perspectivas laborais.
   Apróbase unha achega.
10. Acordo que proceda sobre petición da Vicerreitoría de Captación de Alumnado, Estudantes e Extensión Universitaria, para elaborar, con carácter urxente, un estudo sobre a inserción laboral dos titulados pola UVigo en Grao e Máster, para participar no QS University Ranking.
    Apróbase unha achega.
11. Acordo que proceda sobre a petición de apoio ás actividades e iniciativas a desenvolver pola Vicerreitoría do Campus de Pontevedra.
    Apróbase unha axuda.
12. Modificación parcial das Normas básicas para a concesión de axudas do Consello Social.
    A Comisión dá a súa conformidade.
13. Rogos e preguntas.
    Non hai.